Սեպտեմբերի 5-11-ը Հայաստանում կմեկնարկի «Սթարմուս» գիտա-երաժշտական 6-րդ միջազգային փառատոնը։ Փառատոնին իրենց մասնակցությունն են բերելու աշխարհի տարբեր երկրներից մոտ 40 խոսնակներ՝ աստղաֆիզիկներ, ինժեներներ, գիտնականներ, երգիչ-երաժիշտներ։  Ուղիղ մեկ շաբաթ գիտությունն ու երաժշտությունը միահյուսվելու են, հնչելու է բարձրաճաշակ երաժշտություն՝ հանրայնացնելով գիտությունը։ Այն ամենը, ինչ հնչելու է փառատոնի շրջանակներում (դասախոսություններ, երաժշտություն), հնչելու է միայն մեկ անգամ, միայն փառատոնի օրերին։